မြန်မာစစ်အစိုးဟာ မြောက်ကိုးရီးယားရဲ့ အကူအညီနဲ့ စကဒ်ဒုံးကျည်တွေ စတင် ထုတ်လုပ်နေပြီလို့ မြန်မာ့အရေး လေ့လာနေတဲ့ ထိုင်းအခြေစိုက် ထင်ရှားတဲ့ သတင်းထောက်တစ်ဦး ဖြစ်တဲ့ မစ္စတာ ဘာတေးလ် လင့်နာက Asia Times Online သတင်းမှာ ရေးသားဖော်ပြလိုက်ပါတယ်။
မကွေးတိုင်း မင်းလှမြို့နယ်၊ ကုန်းကြီးကျေးရွာအနားက ကပစ ၁၀ အောက်က ဒီလက်နက်စက်ရုံဟာ တည်ဆောက်တာ ၁၀ နှစ်ကျော်ပြီဖြစ်ပေမယ့် မကြာခင်ကပဲ ပြီးစီးခဲ့တယ်လို့ မစ္စတာ လင့်နာက ဘီဘီစီကို ပြောပါတယ်။
ဒီစက်ရုံကနေ မြေပြင်ကနေ ဝေဟင်၊ မြေပြင်က မြေပြင်နဲ့ ဝေဟင်ကနေ ဝေဟင်ပစ် ဒုံးကျည်တွေ ထုတ်လုပ်ဖို့ ရှိတာ သိရတဲ့အကြောင်း သူက ပြောပါတယ်။
ဒါပေမယ့် တကယ့်လက်နက်အဆင့်ကိုရောက်ဖို့ကတော့ အချိန်လိုလိမ့်ဦးမယ်လို့ သူက ပြောပါတယ်။
''အခုအချိန်မှာဘယ်အဆင့် ကိုရောက်နေပြီဆိုတာကိုပြောဖို့ခက်ပါတယ်။ ဒါပေမယ့် တနှစ် ၂ နှစ်လောက် အတွင်းမှာ ဒုံးလက်နက်နမူ နာပုံစံကို ထုတ်လုပ်နိုင်မယ်လို့ ကျွန်တော် ခန့်မှန်းပါတယ်။ တကယ်တော့ ဗိုလ်ချုပ်မှူးကြီး သန်းရွှေအနေနဲ့ ဒီလိုလက်နက်တွေ ထုတ်နေတာဟာ တကယ်သုံးဖို့ထက် အင်အားပြချင်တာက အဓိကဖြစ်ပါလိမ့်မယ်'' လို့ မစ္စတာ လင့်နာက ဘီဘီစီကို ပြောပါတယ်။
ဒီစကဒ်ဒုံးကျည်ထုတ်လုပ်မှုမှာ မြောက်ကိုးရီးယား ပါဝင် ပတ်သက်တယ်လို့ ပြောနိုင်တာဟာ မြောက်ကိုးရီးယားက သင်္ဘောတွေ မြန်မာပြည်ကို လစဉ်နီးပါး ဆိုက်ကပ်တာတွေက ပုံမှန်မဟုတ်ပဲ စစ်ဘက်ဆိုင်ရာ ပစ္စည်းတွေ သယ်လာတာဖြစ်တယ်လို့ မစ္စတာ လင့်နာက ဆိုပါတယ်။
''အမေရိကန်ကနောက်ယောင်ခံ လိုက်ခဲ့လို့ပြန်လှည့်သွားတဲ့ Caman 1 သင်္ဘောလောက်ကိုဘဲအများသိကြပေမယ့် အဲဒီလိုသင်္ဘောတွေ အများကြီးပါ။ ကျွန်တော့်ဆီမှာ အဲဒီဆိပ်ကမ်းကို ပုံမှန်ကပ်နေတဲ့ မြောက်ကိုရီးယားက လာတဲ့ သင်္ဘော ဆယ်စင်း အစင်းနှစ်ဆယ်ရဲ့ စာရင်းရှိပါတယ်'' လို့ မစ္စတာ လင့်နာက ပြောပါတယ်။''
မြန်မာစစ်အစိုးရရဲ့ ဒုံးကျည်ထုတ်လုပ်ရေးကြောင့် ဒေသတွင်းတည်ငြိမ်မှုကို ထိခိုက်နိုင်သလို အထူးသဖြင့် အိမ်နီးချင်း ထိုင်းနိုင်ငံအတွက် ရတက်မအေးဖွယ် အခြေအနေဖြစ်နိုင်တယ်လို့ ဆိုပါတယ်။
ပြီးခဲ့တဲ့နှစ်ကလည်း မြန်မာအစိုးရဟာ နယူးကလီးယားလက်နက်ထုတ်ဖို့ ပြင်ဆင်နေတယ်ဆိုတဲ့ သတင်းတွေကြောင့် နိုင်ငံတကာမှာ စိုးရိမ်မှုတွေ ရှိခဲ့ပါတယ်။
လစ်ဗျားနိုင်ငံမှာ လစ်ဗျားခေါင်းဆောင် ကဒါဖီကို ထောက်ခံတဲ့ တပ်တွေက စောစောပိုင်းက အစိုးရဆန့်ကျင် ဆန္ဒပြသူတွေ သိမ်းထားခဲ့တဲ့ နေရာ တချို့ကို ပြန်လည် တိုက်ခိုက်သိမ်းယူ နေကြပါတယ်။
နိုင်ငံရဲ့ အရှေ့မြောက်ဘက်မှာ ရှိတဲ့ အယ်လ်ဘရာက မြို့မှာ မစ္စတာ ကဒါဖီကို ထောက်ခံသူတွေက မြို့ရဲ့ လေဆိပ်နဲ့ သင်္ဘောဆိပ်တွေကို သိမ်းယူနိုင်ပြီလို့ အစိုးရ ရုပ်မြင်သံကြားက ကြေငြာပါတယ်။
အယ်ဘရာက မြို့ဟာ ကဒါဖီကို ဆန့်ကျင်ဆန္ဒပြသူတွေရဲ့ အဓိက အမာခံနေရာဖြစ်တဲ့ ဒုတိယမြို့တော် ဘန်ဂါဇီအနီးဒေသမှာ ဒုတိယ အကြီးဆုံးမြို့ဖြစ်တဲ့ အက်ခ်ျဒါဘိယမြို့အနီးက မြို့လေးဖြစ်ပြီး အဲဒီမှာ ရေနံစက်ရုံကြီးတစ်ခုတည်ရှိပါတယ်။
အယ်လ်ဘရာက မြို့အနီးက လက်နက်တွေထားတဲ့နေရာကိုလည်း လစ်ဗျားအစိုးရလေတပ်က ဗုံးချဲတာကို တွေ့ရတယ်လို့ အဲဒီက ဘီဘီစီသတင်းထောက်က ပြောပါတယ်။
အယ်လ်ခိုက်ယီးဒါးဟာ တိုင်းပြည်ကို ချုပ်ကိုင်ချင်လို့၊ လစ်ဗျားရဲ့ ရေနံရင်းမြစ်တွေကို ပိုင်ဆိုင်ဖို့ကြိုးစားတာလို့ ပြောပါတယ်။
မစ္စတာ ကဒါဖီက ကုသလမဂ္ဂအနေနဲ့လည်း ဘာတွေဖြစ်ခဲ့တယ်ဆိုတာ အမှန်တကယ်သိနိုင်ဖို့ စုံစမ်းရေးအဖွဲ့စေလွှတ်ဖို့လည်း ဗိုလ်မှုးကြီး ကဒါဖီက ပြောပါတယ်။
ပုဂ္ဂလိက ကုမ္ပဏီများ ၀န်ထမ်းလစာတိုးရန် စီစဉ်
နရီလင်းလက် WEDNESDAY, 02 MARCH 2011 19:09
အစိုးရ၀န်ထမ်းလစာ တိုးမြင့်သည်နှင့်အညီ ပုဂ္ဂလိက ကုမ္ပဏီကြီးများ၏ ၀န်ထမ်းလစာများကိုလည်း တိုးရန် စီစဉ်နေသည်ဟု သိရသည်။
စစ်အစိုးရနှင့် နီးစပ်သည့် စီးပွားရေးလုပ်ငန်းရှင်ကြီးများ ထူထောင်ထားသော အေးရှားဝေါလ်၊ မက်စ်မြန်မာ ၊ ထူးကုမ္ပဏီ ၊ တော်ဝင် ဆောက်လုပ်ရေး ကုမ္ပဏီ ၊ Alpine ကုမ္ပဏီ စသည့် နေပြည်တော် ဆောက်လုပ်ရေး စီမံကိန်းတွင် အဓိက တာဝန်ယူ တည်ဆောက်နေသည့် ကုမ္ပဏီကြီးများ ၊ အာဏာပိုင်များနှင့် နီးစပ်သည့် စီးပွားရေး လုပ်ငန်းရှင်များ ထူထောင် ထားသည့် ကုမ္ပဏီကြီးများရှိ ၀န်ထမ်း လစာများ တိုးမည်ဖြစ်သည်ဟု ပုဂ္ဂလိက ကုမ္ပဏီ အသိုင်းအ၀ိုင်းက ပြောသည်။
“အေးရှားဝေါလ် ဆိုရင် ဌာနတွေ အများကြီးရှိသလို စီမံကိန်းအလိုက် မြို့တွေမှာ ၀န်ထမ်းအင်အားတွေက အများကြီးလေ။ ပြီး ခဲ့တဲ့ တပတ်လောက်ကစပြီး လူစာရင်းနဲ့ လုပ်သက်နှစ်တွေ ဘယ်လောက်ရှိလဲကို စာရင်းကောက် နေတယ်”ဟု အေးရှားဝေါလ် ရေအားလျှပ်စစ် စီမံကိန်း အင်ဂျင်နီယာတဦးက ပြောသည်။
၎င်းက ဆက်၍“လစာတိုးပေးဖို့ အတွက် စာရင်းကောက်တာလို့ ပြောတယ်။ အခြေခံဝန်ထမ်းက အစ ၀န်ထမ်း အကုန်လုံး လစာ တိုးမယ်ကြားတယ်။ ဒါပေမယ့် လုပ်သက်နှစ်ပေါ်မူတည်ပြီး တိုးတဲ့ပမာဏ ကွာခြားတာတော့ ရှိမယ်”ဟု ပြောသည်။
မည်သည့်လမှ စတင်၍ လစာတိုးမည်ကိုမူ တိတိကျကျမသိရသေးဟုလည်း အဆိုပါ အင်ဂျင်နီယာက ဆိုသည်။
ရွေးကောက်ပွဲမတိုင်မီ နေပြည်တော်တွင် ပြုလုပ်သွားသည့် အထူးစီမံကိန်းများ အကောင်အထည်ဖော်ရေး အစည်းအဝေးတွင် အာဏာပိုင်များက တက်ရောက်ခဲ့သည့် စီးပွားရေးလုပ်ငန်းရှင်ကြီးများနှင့် ဆောက်လုပ်ရေးကုမ္ပဏီ ၆၃ ခုကို ၀င်ရောက် လာ မည့် နိုင်ငံခြားကုမ္ပဏီများနှင့် ယှဉ်ပြိုင်နိုင်ရန် ၀န်ထမ်းလစာနှုန်းများတိုးမြှင့်ပေးရန် ပြောဆိုခဲ့သည်ဟု နေပြည်တော် ဆောက် လုပ်ရေး စီမံကိန်းတွင် ပါဝင်သည့် ကုမ္ပဏီတခုမှ တာဝန်ရှိသူတဦးက ပြောသည်။
“အဲဒီတုန်းက နေပြည်တော်အဆောက်အအုံတွေကို မြန်မြန်ပြီးစီးအောင်လုပ်ဖို့အပြင် ထူးခြားတာတခုကို ထည့်ပြောသွားတယ်၊ နောက်ပိုင်းမှာ ပြည်ပရင်းနှီးမြှပ်နှံမှုတွေကို လက်ခံလို့ ၀င်လာရင် အဲဒီကုမ္ပဏီမှာ လစာ အခြေခံ ကျပ် ၁ သိန်း ပေးနေပြီး ပြည် တွင်း ကုမ္ပဏီက ၄-၅ သောင်းဖြစ်နေလို့ မရဘူး ဆိုပြီး ပြောခဲ့တယ်။ ဒါကြောင့်လည်း ပြည်တွင်းကုမ္ပဏီတွေ အင်အားကြီး အောင် တခုခုဆို ပုဂ္ဂလိကကိုပဲ လုပ်ပိုင်ခွင့်တွေ ချပေးနေတာဆိုပြီး ပြောသွားဖူးတယ်။ ဒီအတိုင်း အကောင်အထည်ဖော်ပြီး လူကြီးတွေ ကျေနပ်အောင်လုပ်ပေးတော့ သူတို့အတွက်လည်း လုပ်ငန်း အလားအလာ ကောင်းမယ်။ အာဏာပိုင်တွေ ဘက်က လည်း အစိုးရ လစာ တခုတည်းတိုးတာ မဟုတ်တော့ဘူး ဆိုပြီး ပြန်ပြောလို့ ရသွားတာပေါ့”ဟု တော်ဝင် ဆောက်လုပ်ရေး ကုမ္ပဏီနှင့်နီးစပ်သူတဦးက ဧရာဝတီကို ပြောသည်။
လက်ရှိ အခြေအနေတွင် လစာနှုန်း တိုးမြှင့်ပေးသည်ထက် ရှားပါးစရိတ် ၊ ကျန်းမာရေး စရိတ် ၊ ခရီးစရိတ် ကဏ္ဍများတွင် တိုးပေးနိုင်ရန် စီစဉ်နေသည်ဟုလည်း ၎င်းက ဆိုသည်။
“သူတို့ပြောသလို လိုက်တိုးဖို့ဆိုတာလုပ်ငန်း ၄ ၊ ၅ ခုလောက်ပိုင်နေပြီး ၀င်ငွေ နည်းပေါင်းစုံနဲ့ရနေတဲ့ ကုမ္ပဏီတွေပဲ တိုးနိုင်မှာ၊ အစိုးရ ၀န်ထမ်းတွေ၊ ကုမ္ပဏီကြီးတွေ လိုက်တိုးနိုင်ရင်တောင် ကုမ္ပဏီ အသေးစားလေးတွေက ၀န်ထမ်းတွေ ကြားထဲက ဒုက္ခ ရောက်မှာပေါ့”ဟု မက်စ်မြန်မာ ကုမ္ပဏီ စာရင်းဌာနမှ အရာရှိတဦးက ပြောသည်။
အလုပ်သမားဝန်ကြီးဌာနမှ တရားဝင်သတ်မှတ်ထားသော စည်းကမ်းချက်များတွင် ကုမ္ပဏီ ၀န်ထမ်း လစာသည် အစိုးရ လစာ ထက် မကျော်ရဟု ပါရှိကြောင်း ၎င်းက ဆိုသည်။
မက်စ်မြန်မာ အရာရှိကဆက်၍“လောလောဆယ် ဘတ်ဂျက်ကို ချိန်နေရတာပေါ့၊ ကုမ္ပဏီကြီးတွေတိုင်းမှာတော့ တနှစ်စာ တွက်ချက် ထားတာတွေ ရှိတယ်။ တယောက်တည်း တိုးတာ မဟုတ်ဘူး။ တလတည်းတိုးတာ မဟုတ်တော့ ချိန်ရတာတွေနဲ့ ကုမ္ပဏီ ၀င်ငွေအင်အားတောင့်မှဖြစ်မှာလေ။ ဒီတော့ ဘယ်လောက် ရာခိုင်နှုန်းစီ တိုးမယ် ဆိုတာတော့ တိတိကျကျ မသတ်မှတ် ရ သေးဘူး။ အခြေခံ ကတော့ ၀န်ထမ်းရဲ့ လုပ်သက်ပေါ်မူတည်ပြီး ရတဲ့ အချိုးတွေက ပြောင်းလဲမယ်”ဟု ပြောသည်။
“လစာအနေနဲ့ ကျော်ပေးလို့ မရတော့ ခေါင်းစဉ် အမျိုးမျိုးတပ်ပေးရတာပေါ့။ အစိုးရ ၀န်ထမ်းလစာ တက်ရင် ကုမ္ပဏီတွေက လည်း ရှားပါးစရိတ်ဆိုပြီး အမည်ခံ တက်ပေးကြတယ်။ အရင်က တက်တုန်းကလည်း ဒီလိုပဲ ပေးတာဆိုတော့ အတွေ့အကြုံ တော့ ရှိတယ်။ မတိုးပေးလို့ကလည်း မရဘူးလေ။ အပြင်မှာ ဈေးတွေက အကုန်တက်နေတော့ လိုက်မညှိပေးနိုင်ရင် ပြဿနာ ရှိတယ်။ အခု လတော့ မသေချာဘူး။ ဧပြီလ လောက်မှ စတိုးလောက်မယ်”ဟု Alpine ကုမ္ပဏီ ၀န်ထမ်းရေးရာ ဌာနမှ ၀န်ထမ်း တဦး က ပြောသည်။
မကြာမီဖြစ်ပေါ်လာမည့် အစိုးရအသစ်က ၀န်ထမ်းများကို အာဆီယံနှုန်းထားနှင့်အညီ လစာများပေးမည်ဖြစ်ပြီး အစိုးရဝန်ထမ်း လစာများကို ဧပြီလကုန်မှ စတင်၍ နဂိုရှိရင်းစွဲလစာထက် ၃.၈ ဆခန့် တိုးမြှင့်ပေးတော့မည်ဟု သတင်းများထွက် ပေါ်နေသည်။
အဆိုပါ သတင်း ထွက်ပေါ်ပြီးနောက်ပိုင်း ဆန်၊ ဆီမှစ၍ အခြေခံစားသောက်ကုန် ဈေးနှုန်းများ မြင့်တက်သွားသည်။
လယ်ယာကဏ္ဍ အလွန်တိုးတက်ဟု ဗိုလ်ချုပ်မှူးကြီးပြော
ဧရာဝတီ WEDNESDAY, 02 MARCH 2011 16:06 သတင်းတိုများ
ယနေ့ကျရောက်သော တောင်သူလယ်သမားနေ့သို့ ပေးပို့သည့် ဗိုလ်ချုပ်မှူးကြီး သန်းရွှေ ၏ သ၀ဏ်လွှာ၌ သီးနှံစိုက်စွမ်းအား မှာ ၁၇၁ ရာခိုင်နှုန်းကျော် အထိ မြင့်မားလာပြီး အသားတင် စိုက်ဧက ၃၄ သန်းခန့်အထိ တိုးတက်လာကြောင်း၊ ၁၉၈၈ ခုနှစ်က တနိုင်ငံ လုံး စပါးအထွက် တင်း သန်း ၆၀၀ ကျော် ထွက်ရှိရာမှ ၂၀၁၀ ပြည့်တွင် တင်း သန်း ၁၅၀၀ ကျော် ထွက်ရှိ နေပြီ ဖြစ်ကြောင်း ပြော ဆိုထားသည်။ ထို့အပြင် ၁၉၈၈ မှ စတင်၍ ယခုအထိ ဆည်တာတမံပေါင်း ၂၃၃ ခုကို ဘဏ္ဍာငွေ ကျပ် သန်းပေါင်း ၂၉၈၅၅၇ သုံးစွဲ၍ တည်ဆောက်ပေးခဲ့ရာ လယ်ယာမြေ ဧက ၂.၈ သန်းကျော်ကို အကျိုးပြုစေလျက်ရှိပြီး ဆည်တမံ စီမံကိန်းပေါင်း ၃၀ ကို လည်း တည်ဆောက်နေဆဲဖြစ်သည်ဟု ဆိုသည်။ ထို့ကြောင့် တိုးတက်များပြားလာသည့် စိုက်ပျိုးမြေများတွင် အချိန်ကိုက် စိုက်ပျိုးထုတ် လုပ်နိုင်ရေး အတွက် စက်မှုလယ်ယာစနစ်သို့ ကူးပြောင်းရန် လယ်ယာသုံး စက်ကိရိယာများကို လိုအပ်ချက်ပြည့်မီသည်အထိ တိုး တက် ထုတ်လုပ်ရန် စီစဉ်နေကြောင်း သ၀ဏ်လွှာတွင် ပါရှိသည်။
MiG – 29 တိုက်လေယာဉ်များ မြန်မာသို့ ရောက်မည်
ဧရာဝတီ WEDNESDAY, 02 MARCH 2011 16:23
ရုရှား နိုင်ငံမှ မှာယူထားသော MiG – 29 အမျိုးအစား တိုက် လေယာဉ် အစီး ၂၀ မှ မတ်လအတွင်း ပထမ အသုတ် မြန်မာ နိုင်ငံ သို့ရောက်ရှိလာမည်ဖြစ်ကြောင်း သိရသည်။ ယူရို သန်း ၄၀၀(အမေရိကန် ဒေါ်လာ ၅၅၃ သန်း)ခန့် တန်ဖိုးရှိသည့် ယင်း တိုက် လေ ယာဉ် များကို၂၀၀၉ ခုနှစ် နိုဝင်ဘာလအတွင်း က မှာယူထားခြင်းဖြစ်သည်။ ယခုရောက်ရှိလာမည့် တိုက်လေ ယာဉ် များမှာ MiG – 29B အမျိုးအစား ၁၀ စီး၊ MiG – 29SE တယောက်စီး ၆ စီး နှင့် အမောင်းသင် ၂ ဦး စီး ၄ စီး ဖြစ်ကြောင်း Flightblobal အွန်လိုင်းတွင် ဖော်ပြ ထားသည်။
နေပြည်တော်တွင် ၂၀ဝ၈ ခုနှစ် မတ်လ ၂၇ ရက်နေ့က ကျင်းပသော တော်လှန်ရေးနေ့ စစ်ရေးပြ အခမ်းအနားတွင် စစ်ကြောင်းများကို အမိုးဖွင့် ကားသစ်ကြီးပေါ်မှ လှည့်လည် စစ်ဆေးနေသော ဗိုလ်ချုပ်မှူးကြီး သန်းရွှေ။ ၂၀၁၀ ရွေးကောက်ပွဲသည် နိုင်ငံရေးအရ စစ်အာဏာရှင်စနစ် တရားဝင် တည်တံ့အောင် လုပ်ဆောင်ချက်အဖြစ် ဒီမိုကရေစီ အင်အားစုများက ရှုမြင်လျက်ရှိသည်။ (Photo: AFP)
2011-03-02
စစ်အစိုးရက ပြဌာန်းလိုက်တဲ့ နိုင်ငံတော် ဘဏ္ဍာရေး ခွဲဝေသုံးစွဲမှု ဘတ်ဂျက်ထဲက ကာကွယ်ရေး အသုံးစရိတ်ဟာ ၄ ပုံ ၁ ပုံ ရှိပေမဲ့ စာရင်းမှန် မဖြစ်နိုင်ဘူးလို့ လေ့လာသူတချို့က ဝေဖန်ပါတယ်။
အခုနှစ်အတွက် စစ်အစိုးရ ပြဌာန်းလိုက်တဲ့ နိုင်ငံ့ဘဏ္ဍာ ခွဲဝေသုံးစွဲရေးဆိုင်ရာ ဥပဒေသစ်ထဲမှာ ကာကွယ်ရေး စစ်အသုံးစရိတ်ကို ၂၅ ရာနှုန်းနီးပါး သုံးစွဲဖို့ သတ်မှတ်ထားပြီး၊ ကျန်မာရေးနဲ့ ပညာရေးကဏ္ဍတွေမှာတော့ ၅ ရာခိုင်နှုန်းလောက်ပဲ သုံးစွဲဖို့ လျာထားကြောင်း မနေ့က ထုတ်ပြန်တဲ့ စစ်အစိုးရဲ့ နိုင်ငံတော် ပြန်တမ်းမှာ ဖော်ပြထားပါတယ်။
ဘတ်ဂျက်တခုလုံးရဲ့ လေးပုံတပုံနီးပါးဖြစ်တဲ့ ၂၃ ဒသမ ၆ ရာနှုန်းကို ကာကွယ်ရေး အသုံးစရိတ်အဖြစ် သတ်မှတ်ထားပြီး၊ ကျန်းမာရေးမှာ ၁ ဒသမ ၃ ရာနှုန်း၊ ပညာရေးမှာ ၄ ဒသမ ၁၃ ရာနှုန်းပဲ သုံးစွဲဖို့ ခွဲဝေ ထားတာ ဖြစ်ပါတယ်။
စစ်အစိုးရက နှစ်ပေါင်းများစွာအတွင်း အခုလို ဘတ်ဂျက်စာရင်းကို ပထမဆုံးအကြိမ် ထုတ်ပြန်လိုက်ပေမဲ့ စစ်အသုံးစရိတ်နဲ့ ပတ်သက်လို့ စာရင်းထဲ မဖော်ပြပဲ သုံးစွဲမှုတွေနဲ့ပါ ထည့်တွက်ရင် မြန်မာနိုင်ငံရဲ့ ကာကွယ်ရေး အသုံးစရိတ်ဟာ ဘတ်ဂျက်ရဲ့ ၄၅ ရာနှုန်းလောက်အထိ ရှိနိုင်တယ်လို့ မြန်မာ့နိုင်ငံရေး၊ စစ်ရေးလေ့လာသူ ဦးအောင်ကျော်ဇောက သုံးသပ်ပါတယ်။
“ဒီ လေးပုံတပုံဆိုတာက ဒီ ဘတ်ဂျက်မှာ ဖြစ်တယ်။ အခြား ဘတ်ဂျက်စာရင်းမှာ မပါတဲ့ ငွေတွေနဲ့ ဝယ်တဲ့ နောက်တခုက ဒီ ပစ္စည်းပေါ် barter system နဲ့ လဲတဲ့ ကိစ္စတွေမှာလည်း တချို့က ဒီ ဘတ်ဂျက်ထဲမှာ မပါတာတွေ အများကြီး ပါတယ်။ အနည်းဆုံး ကျွန်တော်တို့ ခန့်မှန်းတာက (၄၁ ကနေ ၄၅ ရာခိုင်နှုန်းလောက်) သုံးပါတယ်၊ ဘတ်ဂျက်ရဲ့။”
စစ်အစိုးရဟာ နိုင်ငံဘဏ္ဍာ ခွဲဝေသုံးစွဲရာမှာ ဘတ်ဂျက်တခုလုံးရဲ့ ၄၀ ရာနှုန်းနီးပါးကို စစ်အသုံးစရိတ်အဖြစ် အဓိကထား သုံးစွဲနေပြီး၊ ကျန်မာရေးနဲ့ ပညာရေးတို့မှာ မဆိုစလောက်ပဲ သုံးစွဲနေခဲ့တာကြောင့် ဝေဖန်မှုတွေ ပြင်းပြင်းထန်ထန် ပေါ်ထွက်ခဲ့တဲ့နောက်ပိုင်း ဘတ်ဂျက်အသုံးစရိတ်တွေ လူသိရှင်ကြား ထုတ်ပြန်ကြေညာမှုကို လွန်ခဲ့တဲ့ ၁၀ နှစ်လောက်ကစလို့ ရပ်ဆိုင်းထားခဲ့တာ ဖြစ်ပါတယ်။
မြန်မာနိုင်ငံမှာ ကျန်းမာရေးနဲ့ ပညာရေးတို့လို အရေးကြီးတဲ့ ကဏ္ဍတွေမှာ ထိရောက်တဲ့ ငွေကြေးသုံးစွဲမှု မရှိတာကြောင့် အဖက်ဖက်က ဆိုးဝါးနိမ့်ကျနေခဲ့တယ်လို့ လေ့လာသူတွေက သုံးသပ်ပါတယ်။ ကုလသမဂ္ဂ ယူနီဆက် ကလေးများ ရန်ပုံငွေအဖွဲ့ရဲ့ ၂၀၁၁ ခုနှစ် အစီရင်ခံစာအရ ကမ္ဘာ့နိုင်ငံပေါင်း ၁၉၀ ကျော်ထဲမှာ မြန်မာနိုင်ငံဟာ မွေးကင်းစကလေး သေဆုံးမှု အများဆုံး ၄၄ နိုင်ငံမြောက်အဖြစ် ဖော်ပြခံရပါတယ်။
အရှေ့အလယ်ပိုင်းဒေသ အိုမန်နိုင်ငံတွင် အလုပ်လက်မဲ့ ပြဿနာနှင့် နိုင်ငံရေး ပြုပြင် ပြောင်းလဲမှုအတွက် ဆန္ဒပြပွဲများ ဖြစ်ပွားပြီး မတ်စ်ကပ်မြို့မှ ခေတ်မီ ကုန်တိုက်ကြီး ဖေဖော်ဝါရီ ၂၈ ရက်က မီးလောင်နေပုံ ဖြစ်ပါသည်။ ၎င်းကုန်တိုက်ကြီးတွင် အလုပ်လုပ်နေသော မြန်မာနိုင်ငံသားအချို့ ရှိကြောင်း သိရသည်။ (Photo: AFP)
2011-03-02
အရှေ့အလယ်ပိုင်းဒေသက အာရပ်နိုင်ငံတွေမှာလိုပဲ အိုမန်နိုင်ငံမှာလည်း အာဏာရှင် အစိုးရ တွေကို ဆန့်ကျင်တဲ့ ဆူပူမှုတွေ ဖြစ်ပွားနေတဲ့အတွက် အဲဒီမှာ ရှိတဲ့ မြန်မာနိုင်ငံသား အလုပ်သမား တွေက သူတို့ရဲ့ လုံခြုံရေးအတွက် စိုးရိမ်နေကြတယ်လို့ သိရပါတယ်။
အိုမန်အပါအဝင် အာရပ်နိုင်ငံတွေ အတော်များများမှာ ရှိတဲ့ နိုင်ငံခြားသား အလုပ်သမားတွေကို သူတို့ရဲ့ သက်ဆိုင်ရာ အစိုးရ သံရုံးတွေက လုံခြုံရေးအရ အမြဲတမ်း သတိပေးချက်တွေ ထုတ်ပြန်ပြီး အနီးကပ် ဂရုစိုက်နေကြပေမဲ့ မြန်မာသံရုံးတွေကတော့ လုံခြုံရေးအရ ဘာမှ ဆက်သွယ် ဆောင်ရွက်တာ မရှိဘူးလို့ အိုမန်နိုင်ငံမှာ အလုပ်လုပ်နေတဲ့ မြန်မာအမျိုးသမီးတဦးက ပြောပါတယ်။
“ကျွန်မ အဲဒီ အတွက်ကတော့ လုံခြုံရေးကတော့ စိုးရိမ်စိတ်ကတော့ ရှိလာနိုင်တယ်။ ဘာလို့တုန်း ဆိုတဲ့အခါကျတော့ အခု သူတို့ အဓိက ဆန္ဒပြတဲ့ အကြောင်းရင်းက များသောအားဖြင့်က နိုင်ငံခြားသားတွေ များတာကိုး။ နိုင်ငံခြားသားတွေ များတဲ့အခါကျတော့ ပုံမှန်နိုင်ငံသား အများစုကတော့ သူတို့ အလုပ်အခွင့်အရေး နည်းပါးတယ်ပေါ့နော်။ အဲဒီအချက်လည်း ပါတယ်။ ဆိုတော့ ကျွန်မတို့ ဒီမှာလာ အလုပ်လုပ်တဲ့ နိုင်ငံခြားသားတွေလည်း စိတ်ပူကြတာပေါ့နော်။”
“ခုထက်ထိတော့ သံရုံးကတော့ ကျွန်မတို့ကို ဘာမှ အကြောင်းမကြားပါဘူး။ ကျွန်မတို့ကတော့ များသောအားဖြင့်ကတော့ ပတ်စပို့ သက်တမ်းတိုးဖို့တို့၊ ဒီ အခွန်ဆောင်ဖို့ ကိစ္စတွေ ဆိုရင်တော့ ကိုင်ရို၊ အီဂျစ်ကို ဆက်သွယ်ပါတယ်။ ဒါပေမဲ့ ဒါမျိုးကိစ္စအတွက် ကျွန်မတို့ကို ဘာမှတော့ အကြောင်းမကြားပါဘူး။ အခြေအနေကတော့ ဘာမှန်းမသိတဲ့အခါကျတော့ စိတ်တော့ ပူနေကြတယ်။”
အစိုးရဆန့်ကျင်ရေး ဆန္ဒပြသမားတွေ ပြီးခဲ့တဲ့ ၂ ရက်က မီးရှို့ခဲ့တဲ့ အိုမန်နိုင်ငံ မာ့စ်ကပ်မြို့တော်က ခေတ်မီ ကုန်စုံဆိုင်ကြီးမှာလည်း မြန်မာနိုင်ငံသားတချို့ အလုပ်လုပ်ကြတယ်လို့ သိရပါတယ်။
အိုမန်နိုင်ငံမှာ မြန်မာနိုင်ငံသား တထောင်ကျော် ရှိပြီး ကြယ်ငါးပွင့် ဟိုတယ်ကြီးတွေမှာ အဆင့်မြင့် ဝန်ထမ်းတွေ အနေနဲ့ အလုပ် လုပ်ကိုင်နေကြသူတွေ ရှိသလို မြန်မာအများစုကတော့ ဆောက်လုပ်ရေးအလုပ်တွေမှာ လုပ်ကိုင်နေကြရတယ်လို့ သိရပါတယ်။
အဲဒီ နိုင်ငံဟာ ရေနံပေါကြွယ်ပေမဲ့ နိုင်ငံသားတွေအကြား အလုပ်လက်မဲ့ များပြားနေတာနဲ့ နိုင်ငံရေး လွတ်လပ်ခွင့် နည်းပါးလှတာကြောင့် အုပ်ချုပ်သူ စူလတန် စော်ဘွားကို ပြည်သူတွေက မကျေမနပ်ဖြစ်ပြီး ဆန့်ကျင် ဆန္ဒပြနေကြပါတယ်။
ကဒါဖီတပ် ပြန်လည်ထိုးစစ်ဆင်
By ဗွီအိုအေ (မြန်မာဌာန) ဗုဒ္ဓဟူး, 02 မတ် 2011
လစ်ဗျားခေါင်းဆောင် မိုမာ ကဒါဖီ (Moammar Gadhafi) က သူ့ကို လူထုက ထောက်ခံနေတယ်ဆိုပြီး ရာထူးက ဆင်းပေးဖို့ တောင်းဆိုနေတာတွေကို တုံ့ပြန်လိုက်ပါတယ်။
တချိန်တည်းမှာပဲ ပြီးခဲ့တဲ့လထဲ နိုင်ငံအရှေ့ပိုင်းမှာ အတိုက်အခံတွေက ထိန်းချုပ်ထားတဲ့ မြို့တွေကို သူ့ကို သစ္စာခံတဲ့ တပ်ဖွဲ့တွေက ပြန်လည်သိမ်းပိုက်ဖို့ ကြိုးစားနေတာပါ။
လူထုလက်ထဲမှာသာ အာဏာကို အပ်နှင်းထားတဲ့ စနစ်ထဲမှာ သူဟာ နိုင်ငံရေးရာထူး ရယူထားတာ မဟုတ်တဲ့အတွက် နှုတ်ထွက်နိုင်မှာ မဟုတ်ဘူးလို့ ဒီကနေ့ ထရီပိုလီမြို့တော်မှာ သူ့ကို ထောက်ခံသူတွေကို ပြောဆိုတဲ့ ရုပ်မြင်သံကြား မိန့်ခွန်းထဲမှာ ပြောဆိုခဲ့တာ ဖြစ်ပါတယ်။
၄၂ နှစ်ကြာ သူ့ရဲ့ အုပ်ချုပ်မှုကို အံတုနေကြတဲ့ အုံကြွမှုတွေ နောက်ကွယ်မှာ အယ်လ်ကိုင်းဒါး အကြမ်းဖက်အုပ်စု ပတ်သက်နေတယ် ဆိုပြီးတော့လည်း ထပ်မံစွပ်စွဲခဲ့တာပါ။
ဒီကနေ့မှာပဲ လစ်ဗျားခေါင်းဆောင်ကို ထောက်ခံတဲ့ တပ်တွေက အစိုးရ ဆန့်ကျင်သူတွေရှိရာ ဘရက်ဂါ (Brega) မြို့ကို တိုက်ခိုက်နေသလို အနီးအနားမှာရှိတဲ့ အက်ဂ်ျဒါဘီယာ (Ajdabiya) မြို့ကိုလည်း လေကြောင်းကနေ တိုက်ခိုက်မှုတွေ လုပ်ဆောင်ခဲ့တာ ဖြစ်ပါတယ်။
ဘရက်ဂါမြို့ကို အရုဏ်မတက်မီမှာ ကဒါဖီကို ထောက်ခံတဲ့ တပ်တွေက ၀င်ရောက်စီးနင်း တိုက်ခိုက်ခဲ့ပြီး ရေနံတွင်းတွေနဲ့ လေယာဉ်ကွင်းတခုကို ခေတ္တ ထိန်းချုပ်ခဲ့တယ်လို့လည်း မျက်မြင်တွေ့သူတွေက ပြောပါတယ်။ အတိုက်အခံ သူပုန်တွေကတော့ နောက်ပိုင်း ဒီနေရာတွေကို သူတို့ ပြန်သိမ်းနိုင်တယ်လို့လည်း ဆိုပါတယ်။
လစ်ဗျားခေါင်းဆောင်ကတော့ တိုင်းပြည်ရဲ့ ရေနံတွင်းတွေဟာ လုံခြုံစိတ်ချမှု ရှိပေမဲ့ နိုင်ငံခြား ကုမ္ပဏီတွေကတော့ လက်နက်ကိုင် လူရမ်းကားတွေက တိုက်ခိုက်မှာကို စိုးရိမ်နေတာလို့လည်း ပြောဆိုခဲ့တာပါ။
နိုင်ငံတကာ ရေနံကုမ္ပဏီတွေက တိုက်ခိုက်မှုတွေ ဖြစ်ပွားနေတဲ့အတွက် ကြောက်လန့်နေပေမဲ့ အစိုးရက ရေနံတွင်းတွေကို ထိန်းချုပ်ထားနိုင်တယ်လို့ ဒီကနေ့ ထရီပိုလီမြို့တော်က မိန့်ခွန်းထဲမှာ ထည့်သွင်း ပြောဆိုသွားတာ ဖြစ်ပါတယ်။
အီဂျစ်စစ်ကောင်စီ ပြုပြင်ရေးသမားတွေနဲ့ ဆွေးနွေး
By ဗွီအိုအေ (မြန်မာဌာန) ဗုဒ္ဓဟူး, 02 မတ် 2011
အီဂျစ်နိုင်ငံမှာ ယာယီအုပ်ချုပ်နေတဲ့ စစ်ခေါင်းဆောင်တွေက ပြုပြင်ပြောင်းလဲရေးကို လိုလားတဲ့ နိုင်ငံရေးသမားတွေ၊ တတ်သိပညာရှင်တွေနဲ့ စီးပွားရေးသမားတွေ ပါဝင်တဲ့ ကိုယ်စားလှယ်အဖွဲ့နဲ့ မနေ့က တွေ့ဆုံပြီး အရပ်သား အုပ်ချုပ်တဲ့ အစိုးရကို အာဏာလွှဲပြောင်းပေးရေး ကိစ္စတွေကို ဆွေးနွေးခဲ့ပါတယ်။
အဲဒီအဖွဲ့ထဲမှာ အီဂျစ် ပြုပြင်ပြောင်းလဲရေး လှုပ်ရှားမှုမှာ အထင်ကရဖြစ်တဲ့ မစ္စတာ မိုဟာမက် အယ်လ်ဘာရာဒေး (Mohamed ElBaradei) နဲ့ အီဂျစ်သမ္မတအဖြစ် ၀င်ရောက် အဝေးခံသင့်တယ်လို့ အများက ထင်ကြေးပေးနေကြတဲ့ အာရပ်အဖွဲ့ချုပ် အကြီးအကဲ အာမာ မူဆာ (Amr Moussa) တို့လည်း ပါဝင်ပါတယ်။
အဲဒီအစည်းအဝေးမှာ အဓိကထား ဆွေးနွေးခဲ့ကြတာကတော့ ဖွဲ့စည်းအုပ်ချုပ်ပုံ အခြေခံဥပဒေ ပြုပြင်ပြောင်းလဲရေးနဲ့ ရွေးကောက်ပွဲ ကျင်းပရမယ့်ရက် သတ်မှတ်ရေးတို့ ဖြစ်ပါတယ်။
သမ္မတ ရွေးကောက်ပွဲကို အရင်လုပ်ရမလား၊ ပါလီမန် ရွေးကောက်ပွဲတွေကိုပဲ အရင်လုပ်ရမလား ဆိုတာကိုတော့ အီဂျစ် ယာယီအစိုးရက မဆုံးဖြတ်ရသေးပါဘူးလို့ သတင်းမီဒီယာတွေက ပြောပါတယ်။
တချို့က သမ္မတ ရွေးကောက်ပွဲတွေကို ပါလီမန် ရွေးကောက်ပွဲ မတိုင်မီ အရင် ကျင်းပဖို့ လိုလားကြပါတယ်။ ဒါမှ နိုင်ငံရေးပါတီ တခုခုက နိုင်ငံရေးမှာ ကြီးစိုးတာမျိုးကို ရှောင်ရှားနိုင်မှာလို့ ဆိုပါတယ်။
အရင်လက လူထုအုံကြွမှုကြီးကြောင့် သမ္မတ ဟို့စ်နီ မူဘာရက်ခ် (Hosni Mubarak) နှုတ်ထွက်သွားပြီး ကတည်းက အီဂျစ်စစ်တပ် ထိပ်တန်းကောင်စီက တိုင်းပြည်ကို ယာယီ အုပ်ချုပ်ပေးနေတာ ဖြစ်ပါတယ်။
ကချင်ကို စစ်အင်အားသုံး ဖြေရှင်းမည်ဟု စရဖ ခြိမ်းခြောက်
ဖနိဒါ | ဗုဒ္ဓဟူးနေ့၊ မတ်လ ၀၂ ရက် ၂၀၁၁ ခုနှစ် ၁၅ နာရီ ၃၅ မိနစ်
ချင်းမိုင် (မဇ္စျိမ) ။ ။ ကချင်လွတ်မြောက်ရေးအဖွဲ့ KIO ကို စစ်အင်အားသုံး ဖြေရှင်းမည်ဟု မြောက်ပိုင်းတိုင်း စစ်ဌာနချုပ် စစ်ဘက်ရေးရာ လုံခြုံရေးတပ် ဒုဗိုလ်မှူးကြီးသက်ပုံက အကြိမ်ကြိမ် ခြိမ်းခြောက်ပြောဆိုကြောင်း KIO သတင်းရပ်ကွက်က ပြောသည်။
ဒုဗိုလ်မှူးကြီးသက်ပုံက မြစ်ကြီးနားရှိ KIO ဆက်ဆံရေးရုံး တာဝန်ခံ ဗိုလ်မှူးကြီး ဂျီးနောင်ကို ဖေဖော်ဝါရီ ၂၈ ရက်နေ့ ညနေပိုင်းတွင် မြစ်ကြီးနားမြို့ပြင်ရှိ စရဖ ရုံးတွင် တွေ့ဆုံကာ ပြောဆိုခဲ့ခြင်း ဖြစ်သည်။
ကချင်ပြည်နယ် ဗန်းမော်ခရိုင် လွယ်ဂျယ်မြို့ အကောက်ခွန်ရုံးရှေ့တွင် အဝေးထိန်းခလုတ်ဖြင့် ဖောက်ခွဲနိုင်သော အပြင်းစား TNT ယမ်းမှုန့်ဖြင့် ပြုလုပ်ထားသော မိုင်းဗုံး ၁ဝ လုံးကို တွေ့ရှိပြီးနောက် KIO လက်ချက်ဟုလည်း ဒုဗိုလ်မှူးကြီးသက်ပုံက စွပ်စွဲလိုက်သည်။
“KIO က အခုလို လုပ်လာတဲ့အတွက် နိုင်ငံတော် အစိုးရအနေနဲ့ စစ်အင်အားသုံး ဖြေရှင်းမယ်ဆိုတာ အကြိမ်ကြိမ် ပြောတယ်။ ဒီဗုံးက KIO လုပ်ဗုံးဖြစ်တယ်၊ အစိုးရကို ရန်စတာဖြစ်တယ်၊ (KIO လက်အောက်ခံတပ်) KIA တပ်မဟာ ၃ ရဲ့ လက်ချက်ဖြစ်တယ်ဆိုပြီး စွပ်စွဲတာ” ဟု KIO အရာရှိတဦးက မဇ္ဈိမကို ပြောသည်။
အစိုးရအနေဖြင့် စိတ်ရှည်သည်းခံနိုင်သည့် အတိုင်းအတာ ကုန်လာပြီဟု ဒုဗိုလ်မှူးကြီးသက်ပုံက ပြောခဲ့သေးသည်။
စရဖ-KIO တွေ့ဆုံပွဲနှင့် ပတ်သက်ပြီး KIO ဗဟိုကော်မတီဝင်များ အရေးပေါ် အစည်းအဝေးကို အင်္ဂါနှင့် ဗုဒ္ဓဟူးတွင် လိုင်ဇာဌာနချုပ်၌ ပြုလုပ်ကြောင်း KIO အရာရှိတဦးက ပြောသည်။
မိုင်းဗုံးများ တွေ့ရှိရာ ဒေသသည် KIA တပ်မဟာ ၃ ထိန်းချုပ်နယ်မြေထဲတွင် ဖြစ်သည်။ သို့သော် KIO ဗုံးမဟုတ်သလို၊ စစ်အစိုးရ လုပ်ကြံမှုဟု KIO လိုင်ဇာမြို့ ဌာနချုပ်မှ အဆိုပါ အရာရှိက တုံ့ပြန်စွပ်စွဲလိုက်သည်။
“ကျနော်တို့ဗုံး မဟုတ်ဘူး၊ သိလည်း မသိဘူး။ ဒါက သူ့တို့ အကြံနဲ့ လုပ်တာပဲ။ တပ်မဟာ ၃ အောက် တပ်ရင်း ၁၅ ဆိုပြီး ရေးထားပြီးတော့ ကျနော်တို့ သွားထားသလို လုပ်တာ။ ကျနော်တို့က အဲဒီလို မညစ်ပတ်ဘူး။ ကျနော်တို့ကို နာမည်ပျက်အောင် လုပ်ချင်တာလေ” ဟု သူက ပြောသည်။
ဒုဗိုလ်မှူးကြီးသက်ပုံက သိမ်းဆည်းရမိသည့် ဗုံးများနှင့် ဆက်စပ်ပစ္စည်းများ၏ ဓာတ်ပုံများအား ပြသခဲ့ပြီး၊ ပြီးခဲ့သည့်နှစ် မိုးမောက်၊ မြစ်ဆုံ၊ မြစ်ကြီးနား-မန္တလေး မီးရထားလမ်းတွင် တွေ့ရှိသော မိုင်းများနှင့် အရွယ်အစား၊ အမျိုးအစား တူနေသည်ဟုလည်း ပြောဆိုခဲ့ကြောင်း KIO အရာရှိက ပြန်ပြောပြသည်။
ထို့ပြင် ပြီးခဲ့သည့်လ ၇ ရက်နေ့တွင် မန်စီမြို့နယ် KIA တပ်ရင်း ၁၇ နှင့် စစ်အစိုးရတပ်အကြား ပစ်ခတ်မှုကို KIO စတင်ပစ်ခတ်ခဲ့မှုအဖြစ် စရဖ က အစည်းအဝေးတွင် ပြောခဲ့သေးသည်။
စစ်အစိုးရ၏ ဖိအားပေးမှုကို စုပေါင်းကာကွယ်ရန်အတွက် အပစ်ရပ်နှင့် အပစ်မရပ် တိုင်းရင်းသားအဖွဲ့ ၁၂ ဖွဲ့ ပါသော ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီကို ပြီးခဲ့သည့်လ ၁၇ ရက်နေ့တွင် ဖွဲ့စည်းခဲ့ရာ KIO ပါဝင်နေသဖြင့် စစ်တပ်ခေါင်းဆောင်များ အလိုမကျ ဖြစ်နေသည်ဟုလည်း ဆိုခဲ့သည်။
“သူ ပြောတယ်၊ အခု အစည်းအဝေး ဆုံးဖြတ်ချက်ပေါ် မူတည်တယ်တဲ့။ ဦးဂေါင်ရီဇော်ဆိုင်း သီးခြားအဖွဲ့တွေနဲ့ ပြန်ဖွဲ့တဲ့အတွက် နေပြည်တော်က လူကြီးတွေ စိတ်ကသိကအောင့် ဖြစ်နေတယ်။ သည်းခံစိတ် ကုန်လာပြီလို့ပဲ ပြောတယ်” ဟု KIO အရာရှိက ပြောဆိုသည်။
ဖက်ဒရယ်ကောင်စီတွင် ဒုဥက္ကဋ္ဌ ၁ အဖြစ် KIO ဒုဗိုလ်ချုပ်ကြီး ဂေါင်ရီဇော်ဆိုင်းက တာဝန်ယူထားသည်။
နေပြည်တော်ဒီဇိုင်း
အောင်သူငြိမ်း | ဗုဒ္ဓဟူးနေ့၊ မတ်လ ၀၂ ရက် ၂၀၁၁ ခုနှစ် ၁၂ နာရီ ၂၃ မိနစ်
တခါက ကျနော်တို့ နိုင်ငံရေးပါတီတွေနဲ့ ပတ်သက်လို့ သင်တန်းတခုတက်ခဲ့တာ အမှတ်ရသေးတယ်။ ကျနော်တို့က မြန်မာတနိုင်ငံလုံးကို ကိုယ်စားပြုတာ၊ ကျနော်တို့က မြန်မာနိုင်ငံလုံးဆိုင်ရာတို့..ဘာတို့.. စသဖြင့် ပြောကြသလို၊ ကျနော်တို့က တိုင်းရင်းသားတွေကို ဘယ်လောက်အထိ ကိုယ်စားပြုပြောဆိုတယ်ဆိုတာတွေ ပြောကြပြီး၊ ကိုယ့်ပါတီမူဝါဒတွေကို ပြောပြကြတယ်။ သင်တန်းလာပေးတဲ့ တခြားနိုင်ငံတခုက ပါတီကိစ္စတွေ လုပ်ဆောင်နေသူကတော့ ရှင်းရှင်းပဲ ပြန်ပြောပြတယ်။ မူဝါဒတွေဆိုတာ စာရွက်ပေါ်ရှိရုံနဲ့ မပြီး၊ အလုပ်နဲ့ သက်သေပြဖို့ လိုပါတယ်တဲ့။ "အမျိုးသမီးအခွင့်အရေးကို ကျနော်တို့ ပါတီက လေးစားပါတယ်ဆိုပြီး ပြောမနေနဲ့တဲ့။ အလုပ်နဲ့ သက်သေပြတဲ့။ ခေါင်းဆောင်မှုမှာ အမျိုးသမီး ဘယ်နှယောက် ရှိသလဲတဲ့။ တိုင်းရင်းသားအရေးကို ကိုယ်စားပြုပါတယ်၊ ထောက်ခံပါတယ်၊ ပြောမနေနဲ့တဲ့။ အလုပ်နဲ့သက်သေပြ။ ခေါင်းဆောင်မှုထဲမှာ တိုင်းရင်းသား ဘယ်နှယောက်ပါသလဲ။ အဲသလို တကယ်ဖွဲ့စည်းထားတာ၊ အလုပ်နဲ့ သက်သေပြနိုင်တာက ပိုထိရောက်ပါတယ်တဲ့"
မြန်မာ့နိုင်ငံရေးတွင် ပျောက်ဆုံးနေသော ဝန်ကြီးများနှင့် လွှတ်တော်အမတ်များ
အဲဒီတော့ ဒီကနေ့ မြန်မာနိုင်ငံ အစိုးရအဖွဲ့သစ် ဝန်ကြီးအဖွဲ့ ကက်ဘိနက်ထဲမှာ အမျိုးသမီးတွေ ပါမလာတာက ပြောစရာ ဖြစ်လာပါတယ်။
နိုင်ငံတကာမှာ ဆွေးနွေးငြင်းခုန်လာကြတာ ကြာပါပြီ။ အမျိုးသမီးအခွင့်အရေး လှုပ်ရှားသူတွေကလည်း ပြောဆိုလာကြတာ ကြာပါပြီ။ အမျိုးသမီးတွေဟာ အစိုးရရေးရာ မူဝါဒဆုံးဖြတ်ခွင့်တွေမှာ ပါဝင်သင့်တယ်။ နေရာရသင့်တယ်ဆိုတာ ပြောဆိုဆွေးနွေးလာခဲ့ကြတယ်။ ဒီလိုပြောဆိုရတာ အခြေခံအကြောင်းတွေ ရှိပါတယ်။ တကယ်ဆိုရင် အမျိုးသမီးတွေက လူဦးရေရဲ့၊ တနည်းပြောရင် မဲဆန္ဒရှင်တွေရဲ့ တဝက်နီးပါးကို ကိုယ်စားပြုထားကြသူတွေ ဖြစ်ပါတယ်။
အခုပြီးခဲ့တဲ့ မြန်မာနိုင်ငံ ရွေးကောက်ပွဲတွေမှာလည်း အစိုးရရွေးကောက်ပွဲကော်မရှင်က ထုတ်ပြန်တဲ့ တရားဝင် စာရင်းဇယားတွေအရ မဲပေးပိုင်ခွင့်ရှိသူ ၂၉ သန်းအနက် ပြည်သူ့လွှတ်တော်အတွက်ဆိုရင် ၂၂.၄ သန်း၊ အမျိုးသားလွှတ်တော်အတွက် ၂၂.၂ သန်း မဲပေးခဲ့ကြတယ်လို့ ဒီဇင်ဘာလ ၇ ရက်နေ့မှာ ထုတ်ပြန်ကြေညာခဲ့တယ်။ အမျိုးသမီး မဲပေးပိုင်ခွင့်ရှိသူ ဘယ်လောက် ရာခိုင်နှုန်းရှိပြီး၊ အမျိုးသမီး မဲဆန္ဒရှင် မည်မျှက မဲပေးခဲ့ကြတယ်လို့ ခွဲခြားဖော်ပြထားတာ မတွေ့ရဘူး။ သေချာတာကတော့ အမျိုးသမီးမဲဆန္ဒရှင်တွေဟာ မြန်မာနိုင်ငံ လူဦးရေ ဖွဲ့စည်းပုံအရ တဝက်နီးပါး၊ သို့မဟုတ် တဝက်ထက်များတာမျိုး ဖြစ်နိုင်ပါတယ်။
အလားတူပဲ နိုင်ငံရေးပါတီတွေက ကိုယ်စားလှယ်လောင်း အမည်စာရင်းတင်သွင်းတဲ့ နေရာမှာလည်း အမျိုးသမီး ကိုယ်စားလှယ် မည်ရွေ့မည်မျှဆိုတာ ထုတ်ပြန်ကြေညာခဲ့တာမျိုး မရှိဘူး။ ရွေးချယ်ခံမယ့် မဲဆန္ဒနေရာတွေအတွက် စုစုပေါင်း ကိုယ်စားလှယ်လောင်း ၃, ဝ၆၉ ဦး ပြိုင်ဆိုင်တဲ့နေရာမှာ (ပြည်သူ့လွှတ်တော် ၉၆၉ + အမျိုးသားလွှတ်တော် ၄၇၉ + တိုင်းဒေသကြီး/ ပြည်နယ်လွှတ်တော် ၁၆ဝ၁ ဦး) အမျိုးသမီး ကိုယ်စားလှယ်လောင်း အရေအတွက်က မည်ရွေ့မည်မျှဆိုတာ ဖော်ပြမထားဘူး။ အဲဒါအပြင် ကျနော်သိချင်နေတဲ့ အခု မဲနေရာအများစု အနိုင်ရရှိခဲ့သူ ကြံ့ခိုင်ဖွံ့ဖြိုးရေးပါတီက ကိုယ်စားလှယ်လောင်း ၁,၁၆၃ ဦး ပြိုင်ဆိုင်တဲ့နေရာမှာ မည်ရွေ့မည်မျှကို အမျိုးသမီးတွေကို တင်သွင်းတယ်ဆိုတာ မသိခဲ့ရဘူး။ မပြည့်စုံတဲ့ သတင်းတွေအရ အမျိုးသမီး ကိုယ်စားလှယ်လောင်းက ၁ဝ ဦးလောက်ပဲ ရှိမယ်လို့ထင်တယ်။
ဒါပေမဲ့ အခုကြေညာတဲ့ အနိုင်ရရှိသူ အမျိုးသမီး လွှတ်တော်အမတ်တွေအနေနဲ့ ပြည်သူ့လွှတ်တော်မှာ ၃၂၆ ဦးအနက် ၁၄ ဦး၊ အမျိုးသားလွှတ်တော်မှာ ၁၆၈ ဦးအနက် ၆ ဦးဆိုပြီး တွေ့ရတယ်။ တပ်မတော်သား ကိုယ်စားလှယ် အစုအဖွဲ့ဘက်ကတော့ အမျိုးသမီးကိုယ်စားလှယ် တယောက်တလေမှ တက်လာတာ မတွေ့ရဘူး။ (တကယ်ဆိုရင် ဆေးတပ်က အမျိုးသမီး အရာရှိတွေကို ရွေးချယ်မယ်ဆိုရင်လည်း ဖြစ်နိုင်တယ်။) ခြုံပြီးတွက်ရမယ်ဆိုရင်တော့ ပြည်ထောင်စု လွှတ်တော် အမတ် ၆၅၆ ဦး (၆၆ဝ-၄) အနက် အမျိုးသမီးကိုယ်စားလှယ် ရာခိုင်နှုန်းက ၃.ဝ၄ % ပဲ ရှိတာ တွေ့ရတယ်။ အခု အမျိုးသမီးအမတ် ၂ဝ ဦးမှာတောင်မှ အနိုင်ရပါတီက ဘယ်နှဦး၊ အနိုင်ရပါတီမဟုတ်တဲ့ နိုင်ငံရေးပါတီတွေကို ကိုယ်စားပြုသူ အမျိုးသမီးက ဘယ်နှဦးဆိုတာ အချိုးချကြည့်ရင် ပိုလို့စိတ်ဝင်စားစရာ ကောင်းတာတွေ တွေ့ရနိုင်သေးတယ်။ စစ်အစိုးရက အာဏာမလွှဲခဲ့တဲ့ ၁၉၉ဝ ခုနှစ် ရွေးကောက်ပွဲမှာလည်း လွှတ်တော်ကိုယ်စားလှယ် ၄၈၅ မှာ အမျိုးသမီးအမတ်က ၁၅ ဦးပဲ နိုင်တယ်ဆိုတော့ ရာခိုင်နှုန်းအရ ၃.ဝ၉ % ပဲ ရှိတာ တွေ့ရတယ်။ အခု ရွေးကောက်ပွဲ၊ လွှတ်တော်နဲ့တော့ သိပ်မခြားနားလှပေဘူး။
လက်ရှိ သမ္မတက တင်သွင်းတဲ့ အစိုးရသစ်ရဲ့ ဝန်ကြီးအဖွဲ့ဝင်တွေကို တွေ့ရတဲ့ အခါကျတော့ အမျိုးသမီးကိုယ်စားပြုမှု သုည (ဝ) ဖြစ်နေတာ တွေ့ရတယ်။ ကြံ့ခိုင်ဖွံ့ဖြိုးရေးပါတီ ဦးဆောင်မှုမှာ အမျိုးသမီး ဘယ်လောက်ပါဝင်သလဲ။ ကြံ့ခိုင်ဖွံ့ဖြိုးရေးပါတီ ခေါင်းဆောင်မှုကို လူသိရှင်ကြား ထုတ်ပြန်ထားတာ မဟုတ်လေတော့ မသိရသေးဘူး။ ကြံ့ခိုင်ဖွံ့ဖြိုးရေးပါတီက အမျိုးသမီး ကိုယ်စားလှယ် မည်ရွေ့မည်မျှ ပြိုင်ခဲ့သလဲ.. မည်မျှ အနိုင်ရအမတ် ဖြစ်ခဲ့သလဲ ဆိုတာကလည်း စိတ်ဝင်စားစရာ တွက်ချက်ထုတ်ကြည့်ဖို့တော့ ကောင်းလှတယ်။ မြန်မာနိုင်ငံမှာ အမျိုးသမီး အခွင့်အရေးကို လေးစားပါတယ်ဆိုတာ အပြောမဟုတ်၊ အလုပ်နဲ့လည်း သက်သေပြဖို့ လိုသေးတယ်။ (စကားချပ်။ တိုင်းရင်းသားအရေးလည်း အလားတူပါပဲ။ သမ္မတက တင်သွင်းတဲ့ အစိုးရသစ် ဝန်ကြီးအဖွဲ့ ၃၃ ဦးကို လေ့လာကြည့်တော့ ဒုသမ္မတ စိုင်းမောက်ခမ်း (ရှမ်းပြည်နယ်၊ မဲဆန္ဒ နယ်အမှတ် ၃) နဲ့ ဦးအုန်းမြင့် (ဗခ ဟောင်း) ဖားကန့်၊ ဦးအေးမြင့် (ဗခ ဟောင်း) မော်လမြိုင် ၃ ဦးသာပဲ တိုင်းရင်းသား ပြည်နယ်တွေက ယှဉ်ပြိုင်ထားသူဆိုတာ တွေ့ရတယ်။ ကျန်တဲ့ ဝန်ကြီး ၃ဝ က ပြည်မမဲဆန္ဒနယ်တွေက စစ်တပ်ကို ကိုယ်စားပြုတင်တာ၊ (မန္တလေးတိုင်း၊ ဧရာဝတီတိုင်း၊ ပဲခူးတိုင်း.. စသဖြင့်) က တင်ထားသူတွေ ဖြစ်နေတာ တွေ့ရတယ်။)
ယေဘုယျအားဖြင့်တော့ အမျိုးသမီးတွေကို နိုင်ငံခေါင်းဆောင်၊ ဒါမှမဟုတ် ဦးဆောင်တဲ့နေရာမှာ ထားဖို့ဆိုတဲ့ကိစ္စဟာ သီအိုရီ ၂ ခု အပေါ် အခြေခံ စဉ်းစားပြောဆိုကြတာ ဖြစ်တယ်။ ပထမစဉ်းစားချက် သီအိုရီကတော့ အမျိုးသမီးတွေကို နေရာသာပေးလိုက်၊ သူတို့က မုဆိုးစိုင်သင် လုပ်ရင်းနဲ့ သင်ယူသွားလိမ့်မယ်။ အမျိုးသမီးတွေလည်း ယောက်ျားတွေလိုပဲ စဉ်းစားဆုံးဖြတ်တတ်တယ်၊ အရည်အချင်းရှိတယ်ဆိုတာ ပြသနိုင်ခဲ့ပါတယ်။ ဒုတိယ စဉ်းစားချက်ကတော့ အမျိုးသမီးတွေကို သေချာ ခွန်အား အာဏာ အရည်အချင်း မြှင့်တင်ပေး။ empowerment လုပ်။ ပြီးမှသာ နေရာပေးဆိုတဲ့ စဉ်းစားချက် ဖြစ်ပါတယ်။ ဒါပေမဲ့ လေ့လာတွေ့ရှိချက်တွေအရ အမျိုးသမီးတွေရဲ့ အားကောင်းချက်က သူတို့က အစဉ်အလာအရ မိသားစုကို ပြုစုစောင့်ရှောက်လာခဲ့ရသူတွေ ဖြစ်လေတော့ လူမှုရေးဆိုင်ရာ မူဝါဒချမှတ်ရေးတွေမှာ အားကောင်းတယ်။ လူမှုရေးကဏ္ဍကို ပိုလို့အလေးထားကြတယ်ဆိုတာ တွေ့ရတယ်လို့ ပြောပါတယ်။
တကယ်တော့ အမျိုးသမီးတွေကို နိုင်ငံဦးဆောင်မှု အခန်းကဏ္ဍမှာ မြင့်မြင့်မားမား နေရာပေးရေးဆိုတာ နိုင်ငံ့ခေါင်းဆောင်တွေရဲ့ အမြော်အမြင်နဲ့လည်း အများကြီးဆိုင်တယ်လို့ ထင်မိပါတယ်။ (အောက်မှာ အပြည်ပြည်ဆိုင်ရာ ပါလီမန် လွှတ်တော်အမတ်များ သမဂ္ဂရဲ့ စီမံချက်ဖြစ်တဲ့ "ပါလီမန်တွင်းရှိ အမျိုးသမီးများ" Women in Parliament ဆိုတဲ့ စီမံချက်က အချက်အလက်တွေကို နှိုင်းယှဉ်ဖော်ပြထားပါတယ်။ အချို့ လူမှုအဖွဲ့အစည်းတွေက ရှေးရိုးစွဲဆန်၊ မဟာဖိုဝါဒ ရှိကြပါတယ်။ ဂျပန်လိုနိုင်ငံမျိုးမှာ အမျိုးသမီးအမတ် နည်းတာကို တွေ့ရပါလိမ့်မယ်။ အမေရိကန်မှာကတော့ အရင်းရှင်စီးပွားရေးစနစ် သဘော၊ အရည်အချင်းရှိသူ ဦးစားပေးပြိုင်ဆိုင်တဲ့ သဘောကြောင့် အမျိုးသမီးတွေ နေရာရမှု အားနည်းတာကို တွေ့ရပါလိမ့်မယ်။ ဒါပေမဲ့ စိတ်ဝင်စားစရာက ကွန်မြူနစ်/ ဆိုရှယ်လစ် အယူအဆ ရှိကြတဲ့ နိုင်ငံတွေမှာတော့ အမျိုးသမီး လွတ်မြောက်ရေး အယူအဆကြောင့် အမျိုးသမီးတွေ နေရာကောင်းကောင်း ပေးထားတာ တွေ့ရပါလိမ့်မယ်။ တရုတ်၊ ဗီယက်နမ်၊ လာအိုနိုင်ငံ လွှတ်တော်တွေကို ကြည့်ရင် တွေ့ရပါလိမ့်မယ်။ နိုင်ငံတခုမှာ အမျိုးသမီးတွေ ခေါင်းဆောင်နေရာရတာ တိုင်းပြည် ချမ်းသာကြွယ်ဝမှု၊ စီးပွားရေး/လူမှုရေး ဖွံ့ဖြိုးမှုနဲ့လည်း မဆိုင်လှပါဘူး။ ဥပမာ အရှေ့တီမောလို နိုင်ငံမျိုးမှာ အမတ်စုစုပေါင်း ၈၇ မှာ အမျိုးသမီး ၂၂ ရှိတာ (၂ဝဝ၅ စာရင်း) တွေ့ရပါလိမ့်မယ်။ ဖွံ့ဖြိုးဆဲနိုင်ငံ လာအိုနိုင်ငံမှာလည်း အမတ်စုစုပေါင်း ၁ဝ၉ မှာ အမျိုးသမီး ၂၅ ဦး ရှိတာ တွေ့ရပါလိမ့်မယ်။
တခါ အသွင်ကူးပြောင်းရေးကာလ ဖြတ်သန်းခဲ့တဲ့ နိုင်ငံတွေမှာတော့ နိုင်ငံတကာ အဖွဲ့အစည်း၊ ကုလသမဂ္ဂ စတဲ့ အင်အားစုတွေရဲ့ ပံ့ပိုးမှုနဲ့အတူ နိုင်ငံသစ်ချင်တဲ့ အနေအထားမှာ အမျိုးသမီးတွေကို အထူးနေရာပေးခဲ့ကြတာ တွေ့ရပါလိမ့်မယ်။ ဥပမာ - မျိုးဖြုတ်သတ်စစ်ပွဲတွေ ကြုံခဲ့တဲ့နိုင်ငံ ရဝမ်ဒါဆိုရင် အမတ် ၈ဝ မှာ အမျိုးသမီး လွှတ်တော်အမတ်က တဝက်နီးပါး နေရာရထားပါတယ်။
တကယ်တော့ နိုင်ငံကို တည်ထောင်ကြသူ ခေါင်းဆောင်တွေရဲ့ အမြော်အမြင်အပေါ် အများကြီး မူတည်နေပါတယ်။ ထိုင်းနိုင်ငံက ယခင်ဝန်ကြီးချုပ်ဟောင်း တက်ဆင်လက်ထက်မှာတောင် ထောင်စုနှစ် ဖွံ့ဖြိုးရေးဆိုင်ရာ ရည်မှန်းချက် MDGs တွေ အကောင်အထည်ဖော်ရေး စဉ်းစားကြတော့ သူတို့က အတန်ဖွံ့ဖြိုးပြီးလို့၊ ထောင်စုနှစ် ရည်မှန်းချက် အတော်များများလည်း ပြည့်မီနေပြီး ဖြစ်တော့ကာ၊ သူတို့က MDG Plus (ထောင်စုနှစ် ရည်မှန်းချက်တွေထက် အပို) ရည်မှန်းချက်တွေအဖြစ် ၂ဝဝ၄ ခုနှစ်မှာ ရည်မှန်းအိမ်မက်ခဲ့ကြပါသေးတယ်။ လက်တွေ့အကောင်အထည်ဖော်ဖို့ အကန့်အသတ်တွေ ရှိနေသေးပေးမယ့် အဲဒီအိပ်မက်တွေထဲမှာ "နိုင်ငံလွှတ်တော်ထဲ ရှိနေတဲ့ အမျိုးသမီး အရေအတွက်ကို ၂ဝဝ၂-၂ဝဝ၆ အတွင်း ၂ ဆ တိုးတက်လာစေရေး၊ ဒေသဆိုင်ရာ အစိုးရတွေ (မြို့ပိုင်၊ ခရိုင်ပိုင်) နေရာတွေနဲ့ ထိပ်တန်း အုပ်ချုပ်ရေး ရာထူးတွေမှာ အမျိုးသမီးအရေအတွက် ၂ ဆ တိုးလာစေရေး" ချမှတ် လုပ်ဆောင်ခဲ့ပါသေးတယ်။
မြန်မာနိုင်ငံမှာ ခဝတ၊ မဝတ ဥက္ကဋ္ဌတွေထဲမှာ အမျိုးသမီး ဘယ်နှဦး ရှိပါသလဲ။ အခု အသစ်ပေါ်ထွက်လာတဲ့ ဒေသဆိုင်ရာ အုပ်ချုပ်ရေး ကဏ္ဍတွေမှာလည်း အမျိုးသမီးမြို့ပိုင်၊ နယ်ပိုင်တွေ ဘယ်လောက်ရှိလာမှာလဲ။ ဒီပြဿနာရဲ့ ရေသောက်မြစ်ကတော့ မြန်မာနိုင်ငံကတော့ စစ်ရေး-လုံခြုံရေး အသားပေးဝါဒ၊ တို့ယောက်ျားတွေကသာ စွမ်းနိုင်တယ်ဆိုတဲ့ မဟာဖိုဝါဒထဲက မထွက်နိုင်ကြသေးဘူး ဆိုနိုင်သလို၊ တဖက်မှာလည်း အမျိုးသမီးတွေ အခန်းကဏ္ဍ မြှင့်တင်ပေးဖို့ ဘယ်လောက် ပျက်ကွက်နေတယ် ဆိုတာလည်း တွေ့ရပါလိမ့်မယ်။
စီဒေါနဲ့ ကျား-မတန်းတူမှု အကောင်အထည်ဖော်ရေး
မြန်မာနိုင်ငံက အမျိုးသမီးများအပေါ် နည်းပေါင်းစုံနဲ့ ခွဲခြားဖိနှိပ်ဆက်ဆံမှုများ အဆုံးသတ်စေရေး နိုင်ငံတကာ သဘောတူညီချက် CEDAW ကို ၁၉၉၇ ခုနှစ်ကတည်းက သဘောတူညီ လက်မှတ်ရေးထိုးခဲ့ပါတယ်။ ယေဘုယျအားဖြင့် လူမှုအဖွဲ့အစည်းတွေမှာ အမျိုးသမီးတွေ ကြုံရလေ့ရှိတာ၊ နစ်နာနေကြတာဖြစ်တဲ့ ပြဿနာတွေက လုပ်သားနေရာချမှုမှာ ပါဝင်မှု ရာခိုင်နှုန်းနည်းပါတယ်။ အမျိုးသမီးတွေ လုပ်ငန်းခွင်မှာ နေရာမရနိုင်တာ၊ အလုပ်ရပြန်ရင်လည်း လုပ်ခနည်း၊ အချိန်ရှည် အလုပ်မျိုး ဖြစ်တတ်ပါတယ်။ အဆင့်မြင့် ရာထူးရာခံတွေအတွက်ဆိုရင် အမျိုးသမီးတွေ ပါဝင်မှုက ပိုနည်းနေတတ်ပါတယ်။ လိင်ကွဲပြားမှုအပေါ် ဖြစ်တဲ့ အကြမ်းဖက်မှုတွေ၊ အိမ်တွင်း အကြမ်းဖက်မှုတွေလည်း ကြုံရတတ်ပါတယ်။ အဲဒါအပြင် သူတို့ကိုယ်သူတို့ ကာကွယ်ခုခံမှု မလုပ်နိုင်အောင် ခွန်အား အာဏာလည်း နည်းနေတတ်ကြပါတယ်။
ဒီနေရာတွေမှာ ဖြစ်တတ်တာက ရာထူးခန့်ထားရေး ကော်မတီမှာ ဦးဆောင်နေတာ ယောက်ျားတွေချည်း ဖြစ်တတ်ပါတယ်။ မြန်မာနိုင်ငံ ရာထူးဝန်ချုပ်၊ ဝန်ထမ်းရွေးချယ် လေ့ကျင့်ပေးရေး အဖွဲ့ဆိုတာက စစ်ဗိုလ်ဟောင်းတွေ၊ ယောက်ျားတွေချည်း ဦးဆောင်တာ ဖြစ်ပါတယ်။ တခါ မြန်မာနိုင်ငံ အစိုးရဖွဲ့စည်းပုံမှာက အမျိုးသမီးတွေက နစ်နာတယ်ထင်လို့ရှိရင် တိုင်ကြားနိုင်တဲ့ အွန်ဘာ့မင့်ရုံး Ombudsman လို၊ ကျား-မ လိင်ကွဲပြားမှု တန်းတူရေးရုံး Gender Equality Office/ Balancing Committee လိုမျိုးလည်း မရှိပါဘူး။ အဲဒီတော့ လူမှုအသိုင်းအဝိုင်းက လက်ခံထားချက်၊ လက်တွေ့ အခက်အခဲတွေ အများကြီး ရှိနေပါတယ်။ ဒါမှမဟုတ်ရင်လည်း တချို့နိုင်ငံတွေမှာတော့ အစိုးရဝန်ထမ်းတွေက သမဂ္ဂတွေ ဖွဲ့ပိုင်ခွင့် ရှိကြပြီး၊ နစ်နာရင် စုပေါင်းအရေးဆိုတာမျိုး လုပ်နိုင်ပါတယ်။ မြန်မာနိုင်ငံမှာတော့ အလုပ်သမားသမဂ္ဂတွေလည်း မရှိပြန်ပါဘူး။
ဒါဆိုရင် အမျိုးသမီးတွေ အရည်အသွေး မြှင့်တင်ရေးအတွက် အစိုးရက အစီအစဉ်ချ လုပ်ဆောင်နေပါသလား။ အမျိုးသမီး ဖွံ့ဖြိုးတိုးတက်ရေး အစီအစဉ်တွေလည်း အစိုးရဆီမှာ မရှိနေပြန်ပါဘူး။ တကယ်တော့ အမျိုးသမီးတွေကို တကယ်နေရာ ပေးချင်တယ်ဆိုရင် တည်ရှိနေတဲ့ အကန့်အသတ်-အတားအဆီးတွေကို တဖက်က လျှော့ချပေးဖို့ လိုအပ်သလို၊ တဖက်ကလည်း သူတို့ စိတ်ဝင်စားမှုနဲ့ အရည်အသွေးကို မြှင့်တင်ပေးနေရမှာပါ။ ဒီနေရာမှာ CEDAW ကော်မတီက မြန်မာနိုင်ငံ တည်ဆဲဥပဒေတွေထဲမှာ CEDAW နဲ့ အညီ မြန်မာနိုင်ငံ ရာဇဝတ်ဥပဒေ၊ တရားမဥပဒေ၊ တည်ဆဲဥပဒေတွေကို စိစစ်ပြင်ဆင်ဖို့ အကြံပေးထားတာ ကြာပါပြီ။ ဦးထွန်းထွန်းဦးနဲ့ ကျန် အမျိုးသား ၆ ဦး ဦးဆောင်တဲ့ ပြည်ထောင်စု တရားလွှတ်တော်ချုပ်က ဒီကိစ္စတွေကို စိစစ်ကြမှာလား၊ ရှေ့နေချုပ်တွေက ဒီကိစ္စတွေ ဆောင်ရွက်ကြမှာလား... ဆိုတာ စဉ်းစားကြည့်တော့ ဦးစားပေးအစီအစဉ်မှာ ရှိဟန်မတူပါဘူး။
ဒါတင်မကပါဘူး။ လူမှုအဖွဲ့အစည်းကို တကယ်ပြောင်းလဲချင်တယ်ဆိုရင် လုပ်ဆောင်စရာ ကိစ္စတွေက အများအပြား ရှိနေပါသေးတယ်။ ပညာရေးကဏ္ဍမှာ လိင်ကွဲပြားမှုအပေါ် အလေးထားတဲ့ ပညာရေးသင်ရိုးညွှန်းတန်းတွေ ဖြစ်လာစေရေး၊ အစိုးရဌာနတွေနဲ့ လုပ်ငန်းခွင်တွေမှာ လိင်ကွဲပြားမှုအပေါ် အလေးထားတတ်ဖို့ Gender sensitivity education သင်တန်းတွေပေးဖို့ လိုအပ်နေပါသေးတယ်။ အမျိုးသမီးတွေဘဝ တကယ်မြင့်တက်လာအောင်လည်း အပြုသဘော ဆောင်ရွက်ချက်တွေ affirmative actions တွေ လိုအပ်နေပါတယ်။ နေပြည်တော် ဒီဇိုင်းအသစ်က ဒီလိုစဉ်းစားချက်တွေ ရှိပါရဲ့လား။ မေးခွန်းထုတ်စရာပါ။
တကယ်တော့ နိုင်ငံရေးဆိုတာ အာဏာကို ပိုမိုတိုးတက်လာစေရေး ဆောင်ရွက်ကြတာချည်း မဟုတ်ပါဘူး။ အတူတကွ နိုင်ငံကို တည်ဆောက်ကြရတာပါ။ တိုင်းရင်းသားနဲ့ ဗမာတွေနဲ့မှ မဟုတ်။ ကျားနဲ့ မ တန်းတူရည်တူ လက်တွဲပြီး တည်ဆောက်ဖို့လည်း လိုအပ်နေကြောင်းပါ။
